Prej muajit shkurt, ka rifilluar programi i Akademisë së OJF-ve për vitin 2023
Akademia e OJF-ve tashmë në vitin e 9-të organizimit, është një program i konsoliduar, nga më të kërkuarit në sektor pasi vlerësohet nga OJF-të si një ndër programet e vetme që mbështet formimin e drejtuesve dhe stafit të organizatave në të gjitha aspektet e zhvillimit dhe manaxhimit organizativ e më gjerë. Për më shumë informacion, gjeni këtu programin.
Pas një thirrje të hapur për shprehje interesi, 26 përfaqësues të OSHC-ve u zgjodhën për të marrë pjesë në Akademinë e këtij viti. Programi i Akademisë, konsiston në ofrimin e 11 leksioneve nga lektorë vendas e ndërkombëtarë si dhe diskutimeve me ekspertë të ftuar, sesione mentorimi përgjatë gjithë vitit për akademistët dhe organizatat e tyre, pjesëmarrje në vizita studimore në biznese dhe institucione, si dhe pjesëmarrje në evente të ndryshme dhe aktivitete rrjetëzimi të Qendrës Burimore e më gjerë.
Gjatë muajve shkurt dhe mars janë zhvilluar dy leksionet e para respektivisht mbi “Kuadri Ligjor për OJF-të në Shqipëri” dhe “Anëtarësimi në Bashkimin Evropian dhe roli i OSHC-ve”.
[gallery columns="2" ids="eyJ1cmwiOiJodHRwczpcL1wvcmVzb3VyY2VjZW50cmUuYWxcL3dwLWNvbnRlbnRcL3VwbG9hZHNcLzIwMjNcLzA1XC9EU0MwOTIxMi1zY2FsZWQuanBnIiwidGl0bGUiOiJEU0MwOTIxMiIsImNhcHRpb24iOiIiLCJhbHQiOiIiLCJkZXNjcmlwdGlvbiI6IiJ9,eyJ1cmwiOiJodHRwczpcL1wvcmVzb3VyY2VjZW50cmUuYWxcL3dwLWNvbnRlbnRcL3VwbG9hZHNcLzIwMjNcLzA1XC9EU0MwOTE0OC1zY2FsZWQuanBnIiwidGl0bGUiOiJEU0MwOTE0OCIsImNhcHRpb24iOiIiLCJhbHQiOiIiLCJkZXNjcmlwdGlvbiI6IiJ9"]Leksioni 1 u drejtua nga Av. Ardjana Shehi, eksperte me një përvojë pune profesionale mbi 25 vjet në legjislacionin për sektorin jofitimprurës dhe veçanërisht me legjislacionin mbi regjimin tatimor të OJF. Leksioni 2 u drejtua nga Gledis Gjipali, Drejtor Ekzekutiv i European Movement Albania (EMA) dhe hulumtues dhe ekspert mbi çështje lidhur me procesin e antarësimit në BE, pjesë e ekipeve të punës për hartimin e dokumenteve strategjikë si Plani Kombëtar i Përafrimit të Legjislacionit, Plani Kombëtar për zbatimin e MSA-së, etj., si dhe pjesëtar i grupeve të punës Shqipëri – BE.
VULLNETARIZMI NË BALLKANIN PERËNDIMOR DHE TURQI
Përgjatë 28-29 mars, EU TACSO 3 organizoi në Tiranë eventin People to People “Vullnetarizmi në Ballkanin Perëndimor dhe Turqi: Axhenda për Veprim”.
Eventi kishte si qëllim promovimin e vullnetarizmit si një mjet për zhvillim social dhe ekonomik në Ballkanin Perëndimor dhe Turqi, si dhe adresimin e sfidave që lidhen me njohjen, mbështetjen dhe qëndrueshmërinë e vullnetarzimit në rajon. Si pjesë e tij, 34 përfaqësues të OSHC-ve nga të gjitha vendet e Ballkanit Perëndimor pjesëmarrëse në këtë event, ndanë eksperiencat në punën me vullnetarët, diskutuan mbi sfidat në nivel organizate dhe mjedisi ligjor e rregullator në vendet e tyre, si dhe adresimin e sfidave lidhur me njohjen, mbështetjen dhe qëndrueshmërinë e vullnetarzimit në rajon.
Eventi u përshëndet dhe nga Manaxherja e Programit të Shoqërise Civile në Delegacionin e BE në Shqipëri, Znj.Valerie Covic.
Pjesë e panelit të eventit, Ariola Agolli, Menaxhere e Qendrës Kombëtare Burimore, Partnerët Shqipëri prezantoi një përmbledhje të kuadrit ligjor për vullnetarizmin në vendet e Ballkanit Perëndimor, problematikat dhe sfidat në zbatim, duke vijuar specifikisht me rastin e Shqipërisë. Ajo risolli në vëmendje të pjesëmarrësve nismën advokuese të ndërmarrë tashmë prej dy vitesh nga Qendra Burimore dhe një grupim organizatash për ndryshimin dhe përmirësimin e kuadrit ligjor në Shqipëri si dhe rolin e Qendres Burimore në fuqizimin e kapaciteteve të OJF-ve dhe programeve të dedikuara për Vullnetarizmin.
“Axhendë për Veprim” ishte përmbledhja e përgatitur në mbyllje të eventit, e cila përfshin rekomandime mbi përmirësimin e politikave, strategjive dhe kornizës ligjore; mbështetjes nga komuniteti i donatorëve, BE-ja, qeveritë në rajon dhe agjenci të tjera; si dhe mbështetjes që vetë OSHC-të mund të japin në zhvillimin e vullnetarizmit.
