Pjesëmarrja ime në Akademinë e OJF-ve 2023 ishte një nga përvojat më të vlefshme në rrugëtimin tim profesional dhe personal.
Gjatë këtij viti, pata mundësinë të thelloj njohuritë e mia mbi menaxhimin e organizatave, të forcoj aftësitë e mia në advokim dhe të bashkëpunoj me profesionistë e aktivistë të përkushtuar nga e gjithë Shqipëria. Akademia më ofroi një hapësirë të sigurt për të reflektuar, mësuar dhe ndarë përvoja, duke më dhënë energji të re për sfidat që përballoj çdo ditë në mbrojtje të të drejtave të grave dhe përfshirjes sociale.
Ky program më ka ndihmuar të shoh më qartë rolin tim në sektorin jofitimprurës dhe të besoj më fort në fuqinë e rrjeteve dhe bashkëpunimit për ndryshim real në shoqëri.
Jam mirënjohëse për këtë eksperiencë dhe rekomandoj Akademinë për çdo profesionist/e që dëshiron të rritet dhe të kontribuojë më shumë në shoqëri.
