In News

FORUM RAJONAL “Ndikimi i COVID-19 në ekonomi, me fokus të veçantë në ekonominë sociale”

FTESË PËR PJESËMARRJE

FORUM RAJONAL

“Ndikimi i COVID-19 në ekonomi, me fokus të veçantë në ekonominë sociale”

 

Partnerët Shqipëri dhe Qendra Kombëtare Burimore për Shoqërinë Civile kanë kënaqësinë t`ju ftojnë në Forumin Rajonal mbi “Ndikimi i COVID-19 në ekonomi, me fokus të veçantë në ekonominë sociale” që do të organizohet më datë 28 shkurt, 2022, ora 11.00, ONLINE.

Ky forum është i pari i një seri forumesh rajonale, që synojnë të ofrojnë një panoramë të gjendjes aktuale të ndikimit social-ekonomik të Covid-19 në rajon.      

Forumet rajonale organizohen në kuadër të projektit rajonal “Nxitja e bashkëpunimit rajonal dhe politikave në kohë krize” financuar nga Balkan Trust for Democracy, një nismë e zbatuar nga Partnerët Shqipëri për Ndryshim dhe Zhvillim, në bashkëpunim me Macedonian Center for International Cooperation, Center for Civic Initiatives, Centre for Development of Non-Governmental Organisations, dhe Fondacioni Kosovar për Shoqëri Civile.

Forumi do të sjellë bashkë përfaqësues nga shoqëria civile, institucionet shtetërore, akademike, biznesi dhe media në Ballkanin Perëndimor, për të diskutuar, bazuar në dhëna kërkimore mbi situatën aktuale të ndikimit të Covid-19.

Për më shumë ju lutem gjeni bashkëngjitur ftesën dhe axhendën e Forumit.

Përgjatë Forumit do të ofrohet përkthim në gjuhët shqip, anglisht, maqedonisht dhe serbisht.

Për të marrë pjesë në Forum regjistrohuni në linkun e mëposhtëm brenda datës 25 shkurt, 2022: https://forms.office.com/r/TivuQ1U7Qx

 

Ftesa Download
Axhenda Download